Во духот на зајакнување на професионалната и научната соработка, ЗПГМ „ПРОФ. Д-Р ЉУБЕ МИЛЕНКОВСКИ“ – СКОПЈЕ и УТМС Институтот за национална географија потпишаа Договор за стратешка соработка.

Целта на овој договор е унапредување на географската наука, наставата и применетите истражувања во Република Македонија, како и поттикнување на активности од заемен интерес во областа на образованието, истражувањето и јавната промоција на географијата.

Преку овој договор, страните се обврзуваат на:

* заедничка организација на научни и стручни собири, семинари и конференции;

* поддршка на проекти во областа на географијата и одржливиот развој;

* размена на искуства, наставни материјали и експертиза;

* промоција на географијата во образованието и општеството.

Со овој чекор се создава основа за подлабока соработка меѓу академската заедница, наставниците и истражувачите, во насока на подигнување на квалитетот на географското образование и истражување.

Договорот беше свечено потпишан на ден 24.02.2020 година, во просториите на Универзитетот за туризам и менаџмент Скопје.