Врз основа на добиената акредитација за организирање натпревари по географија за основно образование, Здружението на професори по географија на Македонија „ПРОФ. Д-Р ЉУБЕ МИЛЕНКОВСКИ“ – Скопје, во соработка со УТМС Институтот за национална географија, успешно ги реализираше натпреварите на општинско, регионално и државно ниво.

Државниот натпревар се одржа на 04.06.2021 година во амфитеатарот на Универзитетот за туризам и менаџмент – Скопје, каде што беа доделени дипломи, пофалници и награди за најуспешните ученици, ментори и основни училишта. Со поддршка на Институтот за национална географија, настанот беше реализиран според сите пропишани критериуми и протоколи во услови на пандемија.

Првото место го освои Матеја Талеска и нејзиниот ментор Љупчо Велковски од ОУ „Кузман Шапкарев“ – Скопје, второто место Павле Милошевски и Марина Гроздановска од ОУ „Кочо Рацин“ – Скопје, а третото Глорија Николиќ и Гоце Крстевски од ОУ „Браќа Миладиновци“ – Куманово.

Настанот беше поддржан преку Фондот „Проф. д-р Љубе Миленковски“, кој континуирано придонесува за развој на географското образование и стручните компетенции на наставниот кадар.

Со активното учество на УТМС Институтот за национална географија, натпреварите по географија ја потврдија својата образовна и мотивациска улога, создавајќи платформа за промоција на знаењето и афирмација на младите таленти во областа на географијата.

 

https://geograf.mk/novosti/1127-dodeleni-diplomi-pofalnici-i-nagradi-na-drzhavniot-natprevar-po-geografija-za-uchenici-od-osnovnite-uchilishta